الفنانة فرح الزاهد تروي آخر تطورات قضية التحرش بشقيقتها

جريدة البوكس نيوز – فرح وهنا ونور الزاهد

كشفت الفنانة فرح الزاهد خلال تصريحات صحافية، عن آخر تطورات واقعة التحرش بشقيقتها الصغرى البلوغر نور، خلال وجودها بالقرب من أحد المراكز التجارية، ما دفعها للاتصال بالشرطة، وذلك بعدما أخلت جهات التحقيق بأكتوبر سبيل المتهم.

وقالت: ‘المتحرش خرج من الحبس عشان عنده أولاد، ورد الفعل كان على قد الفعل أكيد مستقبل ولاده مش هيتدمر ويتحبس 3 سنين علشان كلمة القانون موجود.. ولكن الإنسانية ساعات بتحكم وهو خد جزائه’.

وأضافت: ‘أنا بنصح كل البنات أنها ما تسكتش عن حقها لو اتعرضت للتحرش حتى لو بلفظ، أنا بجيب حقي دايمًا ومرة واحد في أوتيل كان بيعاكسني وقال لفظ عملت له محضر وجبت له شرطة السياحة’.

وكانت فرح الزاهد، قد كشفت تعرض شقيقتها الصغرى نور للتحرش خلال وجودها بالقرب من أحد المراكز التجارية، ونشرت صورة للشخص الذي تتهمه بالتحرش، عبر ستوري حسابها الخاص بـ’إنستغرام، معلقة: ‘طيب دلوقتي الراجل ده متحرش واقف في مول مصر عمال يتحرش بالبنات وحاجة في منتهى قلة الأدب!.. مرحمش حتى أختي الصغيرة من المعاكسات والكلام الزبالة وعمال يغمزلها وحاجة تخدش حياء أي بنت’.

وأضافت: ‘وهي واقفة عند البنك هي ووالدتي فزعقوا فيه يروح مبجح فيهم ويقل أدبه ويقول أنا معملتش حاجة ومجتش جمبها، والناس حواليه عادي جدا، مفيش راجل واحد بس عايز يتكلم! طلبنا النجدة، ويا رب يكون في استجابة سريعة عشان نقضي على الأشكال دي’.